Շնչառական ուղիների խանգարումները և թոքային հիվանդությունները լուրջ վտանգ են ներկայացնում առողջության համար՝ զիջելով միայն սիրտ-անոթային հիվանդություններին (սրտի իշեմիկ հիվանդություն և ինսուլտ)՝ որպես մահվան հիմնական պատճառներ ամբողջ աշխարհում: Առողջապահության համաշխարհային կազմակերպության (ԱՀԿ) տվյալներով՝ շնչառական հիվանդությունները տարեկան միլիոնավոր կյանքեր են խլում:

Շնչառական ուղիների վարակները հիմնականում պայմանավորված են մի շարք վիրուսներով և բակտերիաներով: Այս վարակները հաճախ ազդում են վերին շնչուղիների վրա և տարածված են ամբողջ աշխարհում: 

Ալերգենները, ինչպիսիք են ծաղկափոշին և բորբոսի սպորները, կարող են նաև շնչուղիների ալերգիա առաջացնել:

Շնչառական հիվանդությունները ներառում են նաև քրոնիկ հիվանդություններ, որոնք հիմնականում ազդում են թոքերի վրա: Դրանք ներառում են բրոնխիալ ասթման և թոքերի քրոնիկ օբստրուկտիվ հիվանդությունը (ԹՔՕՀ), որոնք ազդում են միլիոնավոր մարդկանց վրա ամբողջ աշխարհում: 

BERLIN-CHEMIE AG-ն  մշակում է դեղամիջոցներ շնչառական ուղիների և թոքերի հիվանդություններ ունեցող մարդկանց համար, ինչպիսիք են բրոնխիալ ասթման, ԹՔՕՀ-ն և շնչառական ալերգիաները՝ նրանց կյանքի որակը բարելավելու նպատակով։